خیبر پختونخوا اچ آرمی فلڈ ریلیف آپریشن، سیلاب توں متاثرہ علاقیاں دے عوام دا پاک فوج کوں خراج تحسین

اسلام آباد۔18اگست(اے پی پی)خیبر پختونخوا دے سیلاب توں متاثرہ علاقیاں باجوڑ، سوات اتے مالاکنڈ ڈویژن اچ آرمی فلڈ ریلیف آپریشن اجری اے ایں سانڳے سیلاب توں متاثرہ علاقیاں دے عوام پاک فوج کوں خراج تحسین پیش کریندے شکریہ ادا کیتے اتے آکھیے جو پاک فوج اوکھے ویلے اچ ساݙی مدد کیتی اے جݙاں کوئی ٻیا نئیں پڄ سڳیا۔ لوکاں آکھیے جو ساݙے جواناں ݙینھ رات دی پرواہ کیتے بغیر اتھاں آ تے لوکاں کوں بحفاظت ریسکیو کیتے، بروقت مدد تے اساں پاک فوج دے شکر گزار ہیں، اساں اپݨیاں اکھیں نال ݙٹھے جو پاک فوج ݙینھ رات عوام دی خدمت کیتے موجود رہی، اساں ہیلی کاپٹراں کوں اتھاں آندے ݙٹھا جو لوکاں کوں امداد ݙیندے پئے ہن اتے ٻالاں، عورتاں تے وݙیاں کوں وی محفوظ جاہیں تئیں منتقل کریندے پئے ہن ڄیکر ساݙی فوج نہ ہوندی تاں شاید ساکوں کوئی سہارا نہ ملدا۔ انہاں آکھیے جو اے اوہا فوج اے ڄیکوں کڄھ لوک تنقید دا نشانہ بݨیدن ٻھل اے فوج ساݙی مدد کیتے قومی جذبے نال پڄی اے اتے ساݙے نال کھڑی رہی، اساں پاک فوج دے جذبے اتے خدمت کوں سلام کریندے ہیں۔