اسلام آباد۔18اگست (اے پی پی):نائب وزیر اعظم و وزیر خارجہ سینیٹر محمد اسحاق ڈار برطانیہ دی پارلیمنٹ دے پاکستانی نژاد ارکان محمد یاسین، طاہر علی، عمران حسین، ایوب خان اتے عدنان حسین دے نال ملین۔ ترجمان دفتر خارجہ آکھیے جو نائب وزیراعظم و وزیر خارجہ پاکستان اتے برطانیہ وچال تکڑے تاریخی اتے ثقافتی تعلقات تے زور ݙتا جیڑھے برطانیہ اچ موجود پاکستانی کمیونٹی پاروں ٻئے ڳھاٹے تھئین۔ انہاں ݙوہاں ملکاں …
وزیر خارجہ اسحاق ڈار دی برطانوی پارلیمنٹ دے پاکستانی نژاد ارکان نال ملاقات
مزید خبراں
اسلام آباد۔18اگست (اے پی پی):نائب وزیر اعظم و وزیر خارجہ سینیٹر محمد اسحاق ڈار برطانیہ دی پارلیمنٹ دے پاکستانی نژاد ارکان محمد یاسین، طاہر علی، عمران حسین، ایوب خان اتے عدنان حسین دے نال ملین۔ ترجمان دفتر خارجہ آکھیے جو نائب وزیراعظم و وزیر خارجہ پاکستان اتے برطانیہ وچال تکڑے تاریخی اتے ثقافتی تعلقات تے زور ݙتا جیڑھے برطانیہ اچ موجود پاکستانی کمیونٹی پاروں ٻئے ڳھاٹے تھئین۔ انہاں ݙوہاں ملکاں وچال تعلقات ودھاوݨ اتے رابطیاں کیتے پاکستانی کمیونٹی دے کردار دی تعریف کیتی۔ سینیٹر اسحاق ڈار برطانیہ نال ݙو طرفہ پارلیمانی تعلقات ودھاوݨ دا پاکستان دا عزم دوہرائے۔ انہاں آکھیے جو اینڄھیاں ملاقاتاں جمہوری تجربیاں، بین الاقوامی بہترین ذریعیاں اتے بنیادی جمہوری اقدار دے تبادلے دا موقع ݙیندن جیڑھیاں ݙوہاں ملکاں اچ جمہوری اداریاں دی ترقی اتے استحکام کیتے اہم ہن۔ نائب وزیراعظم و وزیر خارجہ برطانوی ارکان پارلیمنٹ دی بھارتی مقبوضہ جموں و کشمیر اچ انسانی حقوق دی خلاف ورزیاں اتے مظالم بارے آگاہی ودھاوݨ دی کوششاں کوں سراہا جو او برطانیہ دی پارلیمنٹ اچ انہاں مسئلیاں کوں چیندن اتے عوامی شعور ودھاوݨ اچ اہم کردار ادا کریندے پئن۔
