وزیر اعظم دا پاکستان سٹاک ایکسچینج اچ ہنڈرڈ انڈیکس 1 لکھ 50 ہزار 20 پوائنٹس دی تاریخی سطح پار کرݨ تے اطمینان

اسلام آباد۔19 اگست(اے پی پی)وزیر اعظم محمد شہباز شریف پاکستان سٹاک ایکسچینج اچ ہنڈرڈ انڈیکس 1 لکھ 50 ہزار 20 پوائنٹس دی تاریخی سطح پار کرݨ تے اطمینان کریندے کاروباری برادری دا حکومتی پالیسیاں تے اعتماد کرݨ شکریہ ادا کیتے۔ وزیر اعظم آکھیا جو اللہ دے فضل نال معیشت دی بہتری پاروں سرمایہ کاراں اتے تاجر برادری دا اعتماد بحال تھئے، ملک ترقی دو ویندا پئے ٻھل ودھ محنت دی لوڑھ اے۔ وزیر اعظم آکھیا جو معاشی ٹیم ݙینھ رات محنت نال معیشت کوں اوکھ توں کݙھیے، سرمایہ کاراں و تاجر برادری وی اوکھ دے باوجود پاکستان اچ معاشی سرگرمیاں جاری رکھین۔ انہاں آکھیا جو ملک اچ کاروبار دی ترقی و سرمایہ کاری اچ ودھارے نال روزگار دے موقع پیدا تھیسن۔