اسلام آباد۔28اگست (اے پی پی) وفاقی وزیر بحری امور محمد جنید انور چوہدری آکھیے جو نویں ٹینکرز پی این ایس سی دے ٻیڑے کوں 12 جہازاں تئیں ودھیندن جیڑھے قومی جہاز رانی دے شعبے کوں تکڑا بݨاوݨ کیتے حکومت دے عزم دا اعادہ کریندن۔ انہاں سال دے چھیکڑ تئیں بحری ٻیڑے دی تعداد 20 تئیں ودھاوݨ دا اعلان کیتا۔ وزارت توں جاری پریس ریلیز موجب پی این ایس سی دے چیف ایگزیکٹو افسر ضرار حسین وفاقی وزیر کوں میٹنگ اچ بریفنگ ݙتی جو پاکستان نیشنل شپنگ کارپوریشن (پی این ایس سی) ملک دے قومی پرچم بردار آپݨے ٻیڑے کوں 10 توں 12 جہازاں تئیں ودھا ݙتے جیں اچ ݙو افرامیکس کلاس ٹینکرز، سوان لیک اتے پی-علیکی شامل ہن جیں نال سمندری اتے توانائی دی نقل و حمل دی اہلیت اچ ودھارا تھیے۔ وفاقی وزیر آکھیا جو خام تیل اتے پٹرولیم مصنوعات دی نقل و حمل اچ پی این ایس سی دے اہم کردار تے زور ݙتا، نوٹ کیتا جو ایفرامیکس ٹینکر، 80,000 توں 120,000 ڈیڈ ویٹ ٹن تئیں وݙے ویری لارج کروڈ کیریئرز کیتے بغیر پہنچ دے بندرگاہواں تئیں رسائی دی اہلیت کیتے عالمی سطح تے پسند کیتے ویندن۔ توقع اے جو ایں توسیع نال توانائی دیاں ودھدیاں درآمدات کوں موثر طریقے نال سنبھالݨ کیتے پاکستان دی اہلیت اچ ودھارا تھیسی۔ وفاقی وزیر ایں ڳالھ تے زور ݙتا جو قومی ٻیڑے کوں ودھاوݨ نال غیر ملکی شپنگ لائناں تے انحصار گھٹ تھیسی، ہنڑ تئیں غیر ملکی کیریئرز کوں مال برداری دیاں ادائیگیاں تے پاکستان کوں سالانہ 4.6 بلین ڈالر دی لاڳت آندی اے۔ انہاں مزید آکھیا جو آپݨے جہازاں تے زیادہ کارگو گھن تے پی این ایس سی دا مقصد اہم زرمبادلہ دی بچت، محصول اچ ودھارا اتے توانائی دی حفاظت کوں ودھاوݨا اے۔ میٹنگ اچ وزارت بحری امور دے سیکرٹری سید ظفر علی شاہ، ݙوجھے حکام اتے کراچی پورٹ ٹرسٹ اینڈ پورٹ قاسم اتھارٹی (پی کیو اے) دے سربراہان شرکت کیتی۔
