اسلام آباد۔28اگست(اے پی پی)ترکیہ دے صدر رجب طیب ایردوان پاکستان دے مختلف علاقیں اچ سیلاب پاروں قیمتی جاناں اتے املاک دے ضیان تے پاکستان دے عوام نال یکجہتی کریندے ہر ممکن مدد دی پیشکش کیتی اے۔ وزیراعظم محمد شہباز شریف نال جمہوریہ ترکیہ دے صدر رجب طیب ایردوان ٹیلی فون تے رابطہ کیتے اتے آکھیے جو ترکیہ امدادی کاروائیاں کیتے ہر ممکن مدد کرݨ کوں تیار اے۔ وزیراعظم ایں اوکھے ویلھے اچ ترک صدر دے جذبات اتے انہاں ولوں مدد دی پیشکش دا شکریہ ادا کریندے آکھیا جو ترکیہ دے صدر دا رابطہ پاکستان اتے ترکیہ وچال مضبوط اتے ڳھاٹے تعلقات دا عکاس اے، ݙوہیں ملک ہمیشہ ہک ݙوجھے دے نال کھڑن۔ ݙوہیں رہنماواں ایں سال دے شروع اچ تھیوݨ آلی اپݨی ڳالھ مہاڑ تے وی الایا۔ ایں توں علاوہ چین دے شہر تیانجن اچ شنگھائی تعاون تنظیم دے سربراہی اجلاس اچ اپݨی آوݨ آلی ملاقات تے وی ڳالھ مہاڑ کیتی۔
