اسلام آباد: 28 اگست(اے پی پی)نائب وزیراعظم اتے وزیر خارجہ سینیٹر محمد اسحاق ڈار متعلقہ حکام کوں ہدایت کیتی اے جو او سستیان اتے معیاری اشیائے ضروریہ دی فراہمی یقینی ٻݨاوݨ کیتے اقدامات کرن۔ او اسلام آباد اچ اشیائے ضروریہ دی دستیابی اتے قیمتاں بارے جائزہ اجلاس دی اڳواݨی کریندے پئے ہن۔ اجلاس اچ وفاقی وزراء خوراک اتے اقتصادی امور، وزیر اعظم دے معاون خصوصی طارق باجوہ، وفاقی سیکرٹریز خوراک، تجارت و صنعت دے علاوہ صوبائی محکماں دے سینئر نمائندیاں شرکت کیتی۔ ڈپٹی پرائم منسٹر و وزیر خارجہ حکام کوں ہدایت کیتی جو او اشیائے ضروریہ دی رسد کوں یقینی بݨاون اتے بنیادی خوراک دیاں اشیاء کوں عام آدمی دی پڄ اچ رکھن۔ انہاں وفاقی اتے صوبائی حکومتاں وچال مضبوط ہم آہنگی، چنڳی مارکیٹ نگرانی، ذخیرہ اندوزی اتے اجارہ داری دے خلاف سخت کاروائی دی وی ہدایت کیتی۔
