اسلام آباد: 28 اگست(اے پی پی)وفاقی وزیر برائے قومی ورثہ و ثقافت اورنگزیب خان کھچی پاکستان نیشنل کونسل آف دی آرٹس (پی این سی اے) چ مون سون شجرکاری مہم دا باضابطہ افتتاح کیتے۔ اے مہم وزیراعظم دے آکھݨ تے شروع کیتی ڳئی اے جیںددے اچ ملک بھر اچ لکھاں وݨ لائے ویسن تاں جو پاکستان دے ساوے رقبے اچ ودھارا کیتا ونج سڳے، ماحولیاتی آلودگی تے قابو پاتا ونڄے، موسمیاتی تبدیلی دے منفی اثرات کوں گھٹاتا ونجے اتے پائیدار ترقی کوں ودھایا ونج سڳے۔ افتتاحی تقریب اچ وفاقی وزیر اورنگزیب خان کھچی آکھیا جو ماحولیاتی تحفظ کیتے رل مل تے اقدامات کرݨ دی لوڑھ اے، عوام خاص کر نینگر شجرکاری مہماں اچ ودھ تے حصہ گھنن، کیوں جو اے ملک دے ماحولیاتی مستقبل اچ ہک اہم سرمایہ کاری اے۔ ایں موقع تے سکولاں اتے کالجاں دے ٻالاں وی شرکت کیتی۔ وزارت ثقافت و ورثہ پی این سی اے اتے متعلقہ اداریں دے نال عہد کیتا جو او انہاں اقدامات دی بھرپور حمایت جاری رکھیسی جیڑھے ملک دے ثقافتی، سماجی اتے ماحولیاتی ڈھانچے کوں مضبوط بݨیندن۔
