لاہور۔29اگست (اے پی پی) گورنر پنجاب صوبائی اسمبلی دا 30 واں اجلاس سݙ ڳھدے جیڑھا 4 ستمبر خمیس ݙوپہر 2 وڄے پنجاب اسمبلی دے نویں ایوان اچ تھیسی۔ جاری نوٹیفکیشن موجب اجلاس دی اڳواݨی سپیکر پنجاب اسمبلی ملک محمد احمد خان کریسن۔ اجلاس اچ صوبائی حکومت دی قانون سازی، عوامی مسئلے اتے مختلف حکومتی معاملیں تے غور کیتے ونڄݨ دا امکان اے۔ پنجاب اسمبلی دے میڈیا کوآرڈینیٹر راؤ ماجد علی موجب اجلاس دے انعقاد کیتے سارے انتظامات مکمل کر ڳھدے ڳئن۔
