شیخوپورہ۔ 29 اگست (اے پی پی) وفاقی وزیر قومی غذائی تحفظ و تحقیق رانا تنویر حسین ڈپٹی کمشنر شیخوپورہ شاہد عمران مارتھ دے نال متاثرہ چھل دے علاقیں دا دورہ کیتا۔ وفاقی وزیر رانا تنویر حسین فیض پور کلاں، نانو ڈوگراں، بھولے شاہ و ݙوجھیاں وستیاں اچ چھل دی صورتحال دا جائزہ ڳھدا۔ وزیر نیشنل فوڈ سکیورٹی رانا تنویر حسین فلڈ ریلیف کیمپس دا وی جائزہ ڳھدا۔ ڈپٹی کمشنر رانا تنویر حسین کوں بریفنگ ݙیندیں آکھیا جو دریائے راوی اچ پاݨی دے وہݨ تے ہر ویلھے نظررکھی ویندی پئی اے، سارے محکمے الرٹ ہن اتے کہیں وی ہنگامی صورتحال تے وقتی ردعمل ݙیندے پئن۔ چھل متاثرین دے جان و مال دے تحفظ کیتے افسران و عملہ متحرک اے۔ رانا تنویر حسین مقامی نمائندیں اتے چھل متاثرین نال ملاقات وی کیتی۔ رانا تنویر حسین چھل متاثرین اچ روٹی ٹُکر وی ونڈیا۔ ایڈیشنل ڈپٹی کمشنر جنرل نعمان علی ڈوگر، اسسٹنٹ کمشنر، ریسکیو 1122، سول ڈیفنس سودھے ݙوجھے افسران وی ایں موقع تے موجود ہن۔ حکومت پاکستان اتے پنجاب حکومت چھل متاثرین دی جان و مال دے تحفظ کیتے ݙینھ رات کوششاں کریندیاں پئن۔ وفاقی وزیر رانا تنویر حسین آکھیا چھل متاثرین کوں فلڈ ریلیف کیمپس اچ رہائش، خوراک، پاݨی و ݙوجھیاں سہولتاں ݙیوݨ وقتی یقینی بݨایا ونڄے۔
