لاہور۔29اگست (اے پی پی) پاکستان پیپلز پارٹی جنوبی پنجاب دے صدر و سابق گورنر پنجاب مخدوم سید احمد محمود پنجاب اچ اڄوکی تباہ کن چھل پاروں فوت تھیوݨ آلے لوکاں دے گھر آلیں نال دلی ہمدردی اتے افسوس کریندیں ہوئیں آکھیے جو ایں اوکھے ویلھے اچ متاثرہ خانداناں دا ݙکھ اساݙا سانجھا ݙکھ اے، پیپلز پارٹی انہاں دے نال ہر ممکن تعاون اتے یکجہتی دے جذبے دے نال کھڑی اے۔ اتھاں کارکناں نال ڳالھ مہاڑ کریندیں مخدوم سید احمد محمود ریسکیو آپریشن اچ مصروف سویلین رضاکاراں اتے پاک فوج دے جواناں دے اُچے حوصلے اتے خدمتاں دی تعریف کریندے آکھیا جو انہاں دیاں قربانیاں اتے اوکھی محنت انسانیت دی وݙی مثال اے۔ انہاں پیپلز پارٹی دے سارے کارکناں اتے عہدیداراں کوں ہدایت کیتی جو او چھل توں متاثرہ عوام دی مدد اتے بحالی کیتے ہر ممکن وسائل استعمال اچ گھن آون اتے عملی طور تے متاثرین نال موجود رہن۔
