لاہور۔29اگست (اے پی پی) وزیراعظم محمد شہباز شریف دے احکامات تے موسمیاتی تبدیلی اتے ساوݨ دے اثرات نال بر ویلھے نبڑݨ کیتے موثر پالیسی تیار کیتی ویسی۔ ہنگامی صورتحال توں نکلدیں ہی وزیر اعظم اُعلی سطح دا اجلاس سݙݨ دا فیصلہ کیتے جیں اچ چارے صوبیں دے وزرائے اعلیٰ اتے ݙوجھے متعلقہ اداریں دے سربراہ وی شریک ہوسن۔ وزیراعظم دفتردے میڈیا ونگ توں جاری بیان موجب ایں پالیسی دا ورکنگ پیپر ساریاں صوبائی حکومتاں نال ونڈیا ویسی تاں جو ایں دی بنیاد تے ہک سانجھا لائحہ عمل بݨایا ونڄ سڳے۔ ہنگامی صورتحال توں نکلدیں ہی وزیراعظم ہک اعلیٰ سطح دا اجلاس سݙݨ دا فیصلہ کیتے جیں اچ چارے صوبیں دے وزرائے اعلیٰ اتے ݙوجھے متعلقہ اداریں دے سربراہ وی شریک ہوسن۔ وزیراعظم آزاد کشمیر اتے وزیراعلیٰ گلگت بلتستان کوں وی ایں اجلاس اچ سݙیا ویسی۔ وزیراعظم آکھیے جو چارے صوبیں بشمول آزاد کشمیر اتے گلگت بلتستان اچ پاݨی دے ذخیرے دی تعمیر اتے پاݨی دے بہتر انتظام کیتے حکمت عملی بݨائی ویندی پئی اے، آبی ذخیرے مشورے اتے سارے صوبیں دی مکمل ہم آہنگی نال بݨائے ویسن۔ وزیراعظم آکھیا جو موسمیاتی تبدیلی ہک حقیقت اے، ایں دی موثر تیاری نال ہی قدرتی آفتاں دے ضیان توں بچیا ونڄ سڳدے ، چارے صوبیں، آزاد کشمیر، گلگت بلتستان اتے وفاق کوں رَل تے موسمیاتی تبدیلی دے خراب اثرات توں لوکاں کوں بچاوݨا اے، اے ہک قومی مسئلہ اے جیں تے سَاریں کوں رَل تے کم کرݨا اے۔
