وزیراعظم شہباز شریف کوں ایرانی صدر ڈاکٹر مسعود پیزشکیان دا ٹیلی فون، سیلاب دے نقصانات تے افسوس

لاہور۔29اگست(اے پی پی)وزیراعظم محمد شہباز شریف کوں ایران دے صدر ڈاکٹر مسعود پیزشکیان ٹیلی فون کیتے اتے پاکستان دے مختلف علاقیاں اچ سیلاب نال تھیوݨ آلے نقصانات تے پاکستانی عوام نال افسوس کیتے۔ ایرانی صدر حالیہ سیلاب اچ جانی و مالی نقصان تے متاثرہ خانداناں نال ہمدردی اتے یکجہتی کریندے ایں اوکھے ویلھے اچ پاکستان دے ٻھرا عوام کوں ہرممکن مدد ݙیوݨ دی پیشکش کیتی۔ وزیر اعظم صدر مسعود پیزشکیان ولوں ہمدردی و یکجہتی اتے ایرانی ٻھیݨ ٻھراواں ولوں ݙکھ کیتے۔ وزیراعظم ایرانی صدر کوں ایران دے سپریم لیڈر آیت اللہ علی خامنہ ای کیتے ودھ احترام اتے نیک خواہشات پچائن۔ ݙوہیں اڳواݨاں چین دے شہر تیانجن اچ تھیوݨ آلے شنگھائی تعاون تنظیم دے آوݨ آلے سربراہی اجلاس دے موقع تے متوقع ملاقات اتے ڳالھ مہاڑ دے حوالے نال مثبت خیالات پچائن۔