اسلام آباد۔29اگست(اے پی پی)وزیراعظم دے معاون خصوصی برائے صنعت و پیداوار ہارون اختر خان چینی کمپنی ہواگوان دے چیف ایگزیکٹو آفیسر نال ملاقات کیتی اے۔ ملاقات اچ الیکٹرک گڈیاں، لیتھیم بیٹریز، روبوٹکس اتے ڈرون ٹیکنالوجی اچ آپسی تعاون دے موقعیاں تے ڳالھ مہاڑ کیتی ڳئی۔ ہارون اختر خان آکھیا جو الیکٹرک گڈیاں ہی مستقبل ہن ڄیکوں اپݨاوݨ ماحول دے تحفظ اتے ملک دے تیل دے درآمدی بل اچ گھٹکی کیتے ضروری اے، لیتھیم بیٹریز اچ توانائی ذخیرہ کرݨ دی ٻہوں ودھ اہلیت اے اتے اے مستقبل دے توانائی دی لوڑھ کیتے وݙیاں اہم ہین۔ انہاں آکھیا جو ڈرونز سیلاب اتے ݙوڄھیاں قدرتی آفتاں اچ ریسکیو اتے ریلیف آپریشنز کیتے ٻہوں مددگار ثابت تھی سڳدن۔
