راولپنڈی-29 اگست(اے پی پی)صوبہ پنجاب دے سیلاب توں متاثرہ علاقیں اچ پاک فوج دا ریسکیو اتے ریلیف آپریشن جاری اے۔ پاک فوج دیاں 6 ریسکیو ٹیماں دریائے ستلج اتے دریائے راوی تے ریلیف سرگرمیاں اچ حصہ گھندیاں پئن۔ ضلع قصور اچ 21 ریسکیو اتے ریلیف کیمپ ٻݨائے ڳئن۔ ہݨ تئیں قصور دے دیہاتاں توں تقریباً 18 ہزار لوکاں اتے مال مویشی کوں محفوظ جاہیں تے منتقل کیتا ڳئے۔ ہیڈ سلیمانکی اتے اٹاری تے پاک فوج دیاں ٹیماں ٻیڑیاں تے متاثرین کوں محفوظ جاہیں تے پچیندیان پین۔ قصور اچ سیلاب توں متاثرہ علاقیں اچ سول انتظامیہ دے نال پاک فوج دے دستے امدادی کارروائیاں اچ ردھے ہوئن۔ پاک فوج دے نال ٻئے محکمے جیویں پولیس، محکمہ آبپاشی، صحت، لائیو سٹاک، 1122 اتے سول ڈیفنس وی امدادی سرگرمیاں اچ شامل ہن۔ پاک فوج سول انتظامیہ دے نال رل تے ضلع قصور اچ 21 ریسکیو اتے ریلیف کیمپ لائن۔ ہݨ تئیں قصور دے دیہاتاں توں تقریباً 18 ہزار لوکاں اتے مال مویشی کوں محفوظ جاہیں تے پچایا ڳئے۔ پاک فوج دا انتظامی کیمپ منڈی احمد آباد اچ قائم اے جیںدے اچ متاثرہ خانداناں کوں پناہ اتے سہولتاں ݙتیاں ویندیاں پین۔ گنڈا سنگھ والا تے اُچے درجے دے سیلاب اچ وی پاک فوج متاثرہ عوام کوں ریلیف ݙیوݨ اچ مصروف اے۔ اوکاڑہ اچ وی پاک فوج دا ریسکیو اتے ریلیف آپریشن تیزی نال جاری اے۔ پاک فوج سیلاب دیاں تباہ کاریاں دے خلاف فرنٹ لائن تے موجود اے تانجو شہریاں دی جان اتے مال دا تحفظ یقینی بݨایا ونجے۔
