اسلام آباد-29 اگست(اے پی پی)نائب وزیر اعظم تے وزیر خارجہ سینیٹر محمد اسحاق ݙار جمہوریہ آرمینیا دے وزیر خارجہ ارارات میرزویان نال ٹیلی فون تے ڳالھ مہاڑ کیتی اتے باہمی دلچسپی دے امور تے الایا۔ دفتر خارجہ توں جاری بیان دے مطابق نائب وزیر اعظم تے وزیر خارجہ آذربائیجان اتے آرمینیا وچال تاریخی امن معاہدے دا خیرمقدم کریندے ایکوں علاقائی استحکام تے خوشحالی کیتے ہک مثبت قدم قرار ݙتا۔ ݙوہاں رہنماواں پاکستان اتے آرمینیا وچال سفارتی تعلقات ودھاوݨ دے قیام تے غور کرݨ تے اتفاق کیتا۔ انہاں ݙو طرفہ اتے کثیرالجہتی فورمز تے ممکنہ تعاون دے ودھارے اتے مختلف شعبیاں اچ تعاون ودھاوݨ تے وی ڳالھ مہاڑ کیتی۔
