لاہور۔30اگست (اے پی پی) وزیراعظم محمد شہباز شریف آکھیے جو دورہ چین دے دوران ایس سی او سربراہ اجلاس اچ شرکت دے علاوہ بیجنگ اچ ݙوجھی جنگ عظیم اچ فاشزم دے خلاف چین دی فتح دی 80 ویں سالگنڈھ دی تقریب اچ وی شریک تھیساں۔ ہفتے کوں دورہ چین تے روانگی توں پہلے سماجی رابطے دی ویب سائٹ “ایکس” تے ہک پوسٹ اچ وزیراعظم آکھیے جو چین دے تاریخی دورے تے روانہ تھیندا پیاں، تیانجن اچ ایس سی او دے سربراہان مملکت دے اجلاس اچ شرکت کریساں اتے بیجنگ اچ ݙوجھی جنگ عظیم اچ فاشزم دے خلاف چین دی فتح دی 80 ویں سالگنڈھ دی تقریب اچ وی شریک تھیساں۔ وزیراعظم آکھیا جو میکوں چین دے صدر شی جن پنگ اتے ݙوجھے عالمی اڳواݨاں نال ملاقات دا انتظار اے تاں جو چین جو آزمائش دی ہر گھڑی اچ اساݙا سٹریٹجک تعاون تے مبنی سانجھے دار اے، ایں دے نال نال خطے دے ݙوجھے اہم ملکاں دے نال ݙو طرفہ تعلقات کوں مزید تکڑا بݨاوݨ، علاقائی تعاون کوں ودھاوݨ، جہتی نظام کوں تکڑا کرݨ اتے امن و خوشحالی دے سانجھے مقصد کوں اڳوں ودھا سڳوں
