چشتیاں۔ 30 اگست (اے پی پی) کمشنر بہاولپور ڈویژن مسرت جبیں، ڈپٹی کمشنر ذوالفقار احمد بھون، ڈی پی او کامران اصغر اتے سارے متعلقہ محکمیں دے افسراں بہاول نگر دی تحصیل منچن آباد اتے نیڑے دے علاقیں دا تفصیلی دورہ کیتا۔ دورے دے دوران ریلیف کیمپاں، ہسپتالاں، ریسکیو مرکزاں، لائیو سٹاک اتے صحت دے انتظامات دا جائزہ ڳھدا ڳیا۔ ریسکیو 1122، محکمہ صحت، پولیس، لائیو سٹاک اتے ݙوجھے اداریں دے نمائندے وی موقع تے موجود ہن۔ کمشنر مسرت جبیں نے ایں موقع تے آکھیا جو سارے ریلیف و ریسکیو انتظامات مکمل کر ڳھدے ڳئن۔ اوکھے ویلھے انتظامیہ اتے عوام ہک ہن، انشاء اللہ، اللہ تعالیٰ اساں کوں ایں آزمائش توں چنڳی طرح کڈھ ڳھنسی۔
