اسلام آباد۔30اگست (اے پی پی) وفاقی وزیر ریلوے محمد حنیف عباسی ہدایت کیتی جو پورے ملک اچ جاری چھل دی صورتحال دی روشنی اچ ریل گاݙیاں اتے ٹریکس دی 24 گھنٹے نگرانی کیتی ونڄے اتے مسافراں دیاں سہولتاں کوں اڳوں رکھیا ونڄے۔ اجلاس دی اڳواݨی کریندیں وفاقی وزیر پاکستان ریلوے دی آپریشنل کارکردگی اتے حفاظتی پروٹوکولز دا جائزہ ڳھدا۔ ریلوے حکام وفاقی وزیر کوں ریلوے دے انفراسٹرکچر تے چھل دے اثرات اتے بغیر رُکئے خدمتاں کوں یقینی بݨاوݨ سانڳے کیتے ونڄݨ آلے اقدامات دا ݙسائے۔ محمد حنیف عباسی حادثے روکݨ کیتے فعال اقدامات تے زور ݙتا اتے ریل گاݙیاں دے ویلھے دی پابندی اتے صفائی دی سخت نگرانی تے زور ݙتا۔ انہاں آکھیا جو ریلوے سٹیشناں بشمول انتظار دے علاقیں تے بنیادی سہولتاں ݙیوݨ اہم عوامی خدمت دے تحت یقینی بݨایا ونڄے۔
