اسلام آباد۔30اگست (اے پی پی) وفاقی وزیر داخلہ محسن نقوی آکھیے جو سعودی عرب دی حکومت اتے سعودی سفیر نواف بن سعید احمد المالکی پاکستان اتے ہندوستان دے اڄوکے تناؤ دے دوران مخلصانہ، بھرپی آلا اتے موثر کردار ادا کیتا، سعودی عرب جنگ اتے امن اچ ہمیشہ پاکستان دے نال کھڑے۔ وزارت داخلہ موجب وفاقی وزیر داخلہ محسن نقوی اسلام آباد دے ڈپلومیٹک انکلیو اچ سعودی عرب دے سفارت خانے دا دورہ کیتا۔ انہاں دے آوݨ تے سعودی سفیر نواف بن سعید احمد المالکی وفاقی وزیر دا گرمجوشی نال استقبال کیتا۔ ملاقات دے دوران وفاقی وزیر محسن نقوی اڄوکے پاک بھارت جھیڑے اچ سعودی عرب دی حکومت اتے سفیر دے مخلصانہ، بھرپی آلا اتے موثر کردار ادا کرݨ تے اظہار تشکر کیتا۔ انہاں آکھیا جو سعودی عرب ہمیشہ پاکستان دے نال کھڑے بھانویں او جنگ ہووے یا امن، سعودی عرب ہمیشہ ݙو طرفہ تعلقات دے تحت ہر آزمائش اچ پاکستان دا ساتھ ݙتے۔ محسن نقوی سعودی سفیر کوں ٻاہرلے ملک خاص طور تے سعودی عرب اچ خریت منڳݨ اچ ملوث منظم گروہاں دے خلاف پاکستان دے جاری کریک ڈاؤن دا ݙسایا ۔ انہاں ایں ڳالھ دی تصدیق کیتی جو پاکستان دے تشخص اتے ملک اچ کم کرݨ آلے شہریاں دے تحفظ کیتے خریت منڳݨ آلے مافیا دے خلاف زیرو ٹالرنس دی پالیسی اپنائی ڳئی اے۔ سعودی سفیر نواف بن سعید احمد المالکی وزیر داخلہ دیاں کوششاں دی تعریف کریندے آکھیے سعودی عرب پاکستان کوں ہک بھرا اتے دوست ملک سمجھدے۔ انہاں ایں ڳالھ تے زور ݙتا جو ریاض اسلام آباد دے نال آپݨے تعلقات کوں ساریں توں ودھ اہمیت ݙیندے اتے ٻہوں سارے شعبیں اچ تعاون کوں مزید تکڑا بݨاوݨ چاہندے۔
