اسلام آباد۔30اگست (اے پی پی) وفاقی وزیر داخلہ محسن نقوی خیبرپختونخوا پولیس کوں کوہاٹ دے لاچی تھاݨے دی حد اچ خوارج دہشت گرداں دے خلاف کامیاب آپریشن تے زبردست خراج تحسین پیش کیتے۔ آپݨے ہک بیان اچ وفاقی وزیر داخلہ پولیس دیاں پیشہ ورانہ صلاحیتاں دی تعریف کریندے آکھیا جو پولیس وقتی اتے فیصلہ کن کارروائی کریندیں دہشت گرداں دے خراب عزائم کوں ناکام بݨائے۔ ایں دوران اے ایس آئی اشفاق دی شہادت تے ݙکھ تے افسوس کریندے انہاں لواحقین نال تعزیت کیتی اتے زخمی اہلکاراں دی وقتی صحت یابی دی دعا کیتی۔ محسن نقوی آکھیا جو اساں خیبرپختونخوا پولیس دے بہادر سپاہیاں کوں سلام پیش کریندوں۔ انہاں آکھیا جو خیبرپختونخوا پولیس ہمیشہ دہشت گرداں دا بے مثال حوصلے نال مقابلہ کیتے، اساں خوارج دہشت گرداں کوں کتھائیں وی پناہ نہ ڳھنݨ ݙیسوں۔
