اسلام آباد۔31اگست (اے پی پی) وفاقی وزیر مذہبی امور اتے بین المذاہب ہم آہنگی سردار محمد یوسف آکھیے جو عید میلاد النبی ﷺمنواݨ اتے سیرت النبی صلی اللہ علیہ وسلم کوں تعلیمی نصاب اچ متعارف کراوݨ نال قوم دے اندر ہم آہنگی کوں ودھارا مِلسی اتے نینگراں دے ذہناں دی امن پسندی دے حوالے نال حوصلہ افزائی کریسن۔ آپݨے ہک انٹرویو اچ انہاں مزید آکھیا جو عید میلاد النبی صلی اللہ علیہ وسلم مناوݨ اتے نصاب اچ سیرت دے علوماں کوں شامل کرݨ نال قومی اتحاد کوں تقویت اتے نینگراں کوں بامعنی رہنمائی مِلسی۔ انہاں چھل توں متاثرہ لوکاں دی مدد کیتے اجتماعی کوششاں تے زور ݙیندیں آکھیا جو نبی اکرم صلی اللہ علیہ وسلم دی تعلیمات تے عمل کرݨ نال اڄوکے بحران اچ ہمدردی، سخاوت اتے یکجہتی کوں تحریک مِلسی۔ انہاں آکھیا جو اساں کوں متاثرہ لوکاں کیتے دعا کرݨ اتے اسلام دی تعلیمات توں قیمتی سبق سِکھݨ دی لوڑھ اے جیڑھی ہمدردی، لچک اتے اوکھے ویلھے اچ ضرورت منداں دی مدد تے زور ݙیندی اے۔ وفاقی وزیر علما کرام تے زور ݙتا جو بانی پاکستان قائد اعظم محمد علی جناح دے تصور کیتے ڳئے معاشرے کوں ودھاوݨ کیتے مختلف عقائد وچال ہم آہنگی کوں ودھاؤ۔
