ایس ڈی پی دے اڳواݨ ڄام افتخار لاڑ دی یاد وچ مُکانڑی کٹھ سعید خان کھوسہ، نذیرلغاری، عابدہ بتول، ادی نینا، مشتاق فریدی، شاہد جتوئی، راشد عزیز بھٹہ، عاقب جاوید کھوکھر، یقعوب گوپانگ تے اہم اڳواݨ شریک جام افتخار مرحوم دیاں سرائیکی قوم کیتے مثالی خدمات ہمیش یاد رکھیاویسن، انہاں دے مشن کوں پورا کریسوں، مٌکاݨی کٹھ وچ مقررین دا خطاب
اسلام آباد۔31اگست (اے پی پی) سرائیکستان ڈیموکرٹیک پارٹی ایس تے الفتح ویلفیئر فاؤنڈیشن ہیٹھ سرائیکی قوم پرست رہنما جام افتخار لاڑ مرحوم دی یاد وچ گلشن اقبال کراچی وچ مُکاݨی ریفرنس منعقد تھیا۔تعزیتی ریفرنس وچ سرائیکی عوامی سنگت دے اڳواݨ، نامور صحافی، دانشور، ادیب نذیر لغاری، شاہد خان جتوئی، مشتاق احمد فریدی، صدر سرائیکی عوامی سنگت طارق محمود، رشید جرانی، عابد خان، حمید علی، عبدالخالق، سرائیکی عوامی تریمت تحریک دی اڳوانڑ ادی عابدہ بتول۔ادی نسرین گل نینا، سرائیکی ایکشن کمیٹی دے چیئرمین چییرمین راشد عزیز بھٹہ، سردار یقعوب خان گوپانگ، سرائیکی قومی اتحاد دے چییرمین کرنل عبدالجبار عباسی، حاجی ربنواز، عابد شاکر، قاری محمد حنیف، پاکستان سرائیکی پارٹی دے رہنما قاری اللہ بخش طاہر۔عباس ڈاہا۔سرائیکستان ڈیمو کریٹک پارٹی دے مرکزی رہنما جام ارشاد لاڑ، صوبائی صدر سندھ سعید خان کھوسہ، جمیل خان کھوسہ، عاقب جاوید کھوکھر،خورشید پہوڑ، حاجی جمیل ولیانی، ظہور اے ملک، اکرم احمدانی، مشتاق گوپانگ، ایاز سعید ملاح، جام یوسف لاڑ، ملک امین ، اکبر رند، عرفان کھوسہ، میاں اسد، فاروق اعظم، عامر شہزاد بھٹہ، رمضان خلیفہ، ملک یوسف، لیاقت گبول ایڈووکیٹ۔ایس ایچ او اسلم بھٹی، ڈاکٹر عقیل مختیار جتوئی، معراج جان چانڈیہ، پاکستان پیپلزپارٹی دے رہنما سہیل عابدی، اصغر بہاری، آصف خان، صحافی ظفر اقبال گوپانگ اتے ٻیاں اہم سیاسی، سماجی شخصیات شریک تھیاں۔راشدعزیز بھٹہ۔مقررین جام افتخار لاڑ دی سرائیکی وسیب دے حقوق تے سرائیکی صوبے دے قیام کیتے مثالی جدوجہد کرنڑ تے خراج عقیدت پیش کریندیں آکھیا جو مرحوم زمانہ طالب علمی توں گھن تے حیاتی دے اخیری ساہ تئیں سرائیکی قوم دی بقاء دی جنگ لڑی اے، انہاں قومی خدمات کوں ہمیش یاد رکھیا ویسی، جام افتخار لاڑا دا وچھوڑا سرائیکی تحریک دا ٻہوں وݙا زیان اے، پر اساں انہاں دے مشن کوں پورا کریسوں۔ مقررین آکھیا جو اساں مرحوم جام افتخار لاڑ دی عظیم جدوجہد کوں انشااللہ تیز کریسوں اتے سرائیکی وسیب دیں محرومیں دے ازالے کیتے ٻانڑ مریسوں. ایں موقع تے وچ مرحوم دی بخشش کیتے دعا کیتی ڳئی۔(ڈاکٹرسعدیہ کمال)
