اسلام آباد۔1ستمبر (اے پی پی) وزیراعظم محمد شہباز شریف کل جماعتی حریت کانفرنس دے بانی اڳواݨ سید علی گیلانی کوں خراج عقیدت پیش کریندیں ہوئیں آکھیا جو پاکستان نال انہاں دا لازوال پیار پاکستان دے لوکاں کیتے فخر دا باعث اتے کشمیریاں نال اساݙے روحانی اتے دِلی تعلق دی علامت اے، سید علی گیلانی آپݨی زندگی کشمیر دی آزادی دی جدوجہد کیتے وقف کر ݙتی ہئی اتے جدوجہد آزادی اچ اہم کردار ادا کیتا، انہاں دی زندگی کشمیریاں کیتے ظالمانہ تسلط دے خلاف مزاحمت دی ہمیش رہݨ آلی علامت اے۔ پی ایم آفس دے میڈیا ونگ ولوں جاری بیان دے مطابق سنوار کوں سید علی گیلانی دی چوتھی برسی تے آپݨے سنیھے اچ وزیراعظم آکھیا جو اڄ دے ݙین٘ہ میں پاکستانی قوم اتے حکومت ولوں سید علی گیلانی دی کشمیر کیتے بے مثال جدوجہد کوں خراج عقیدت پیش کرینداں، سید علی گیلانی آپݨی سیاسی بصیرت اتے مدبرانہ اڳواݨی نال کشمیر اتے کشمیریاں دی آواز کوں تاریخ اچ زندہ رکھیا تاں جو ایں دی ڳونج دنیا دے ایواناں تئیں پُڄ سڳے۔ انہاں آکھیا جو سید علی گیلانی دا پاکستان نال لازوال پیار پاکستان دے لوکاں کیتے فخر دا باعث اتے کشمیریاں نال اساݙے روحانی اتے دِلی تعلق دی علامت اے۔ انہاں دا آکھݨ ہئی جو سید علی گیلانی آپݨی زندگی کشمیر دی آزادی دی جدوجہد کیتے وقف کر ݙتی ہئی اتے جدوجہد آزادی اچ اہم کردار ادا کیتا، انہاں دی زندگی کشمیریاں کیتے ظالمانہ تسلط دے خلاف مزاحمت دی ہمیش رہݨ آلی علامت اے۔ انہاں آکھیا جو سید علی گیلانی دیاں سیاسی تعلیمات کشمیریاں دی نسلاں کیتے حق خود ارادیت توں آگاہی اتے جدوجہد دی میراث ہن، اساں پاکستانی ہیں، پاکستان اساݙا اے، سید علی گیلانی دا اے نعرہ اج وی کشمیریاں دی زبان تے بھرپور طریقے نال جاری اے اتے ظالم دے دل و دماغ تے چھایا ہوئے۔
