تیانجن۔1ستمبر (اے پی پی) وزیراعظم محمد شہباز شریف اتے ایران دے صدر ڈاکٹر مسعود پزشکیان پاکستان اتے ایران دے تعلقات اچ مثبت پیشرفت تے اطمینان دا اظہار کریندیں ہوئیں مختلف شعبیاں اچ ݙو پاسہ تعاون کوں ودھاوݨ دے عزم دا اعادہ کیتا ۔ سنوار کوں وزیراعظم آفس دے میڈیا ونگ ولوں جاری بیان دے مطابق وزیراعظم محمد شہبازشریف ایں جاء تے شنگھائی تعاون تنظیم (ایس سی او) دے رُکن ملکاں دے سربراہان دی کونسل دے اجلاس دے موقع تے اسلامی جمہوریہ ایران دے صدر مسعود پزشکیان نال ملاقات کیتی۔ نائب وزیر اعظم تے وزیر خارجہ اسحاق ڈار، چیف آف آرمی سٹاف فیلڈ مارشل سید عاصم منیر اتے وفاقی وزراء وی ملاقات اچ موجود ہن۔ ملاقات وچال وزیراعظم پڑوسی ملک ایران دے نال آپݨے تاریخی اتے بھائی چارے دے تعلقات کیتے پاکستان دے گہرے عزم دا اعادہ کیتا اتے سانجھی تاریخ، ثقافتی وراثت اتے عقیدے تے مبنی تعلقات دی مضبوط بنیاداں کوں اجاگر کیتا۔ ݙوہاں اڳواݨاں مختلف شعبیاں اچ ݙو پاسہ تعاون دی صورتحال دا جائزہ ڳھدا اتے پاکستان ایران تعلقات اچ مثبت رفتار تے اطمینان دا اظہار کیتا۔ صدر مسعود پیزشکیان ایران کیتے پاکستان دے مسلسل ساتھ کوں سراہا اتے آپسی دلچسپی دے مختلف شعبیاں اچ ݙو پاسہ تعاون کوں ودھاوݨ کیتے ایران دے عزم دا اعادہ کیتا۔ وزیراعظم ایرانی صدر دے اگست 2025 اچ دورہ پاکستان دا ذکر کریندیں ہوئیں آکھیا جو اے دورہ ݙوہاں ملکاں وچال تعلقات کوں ٻیا بہتر اتے مضبوط بݨاوݨ اچ مددگار ثابت تھیا۔ انہاں آکھیا جو ایران دے صدر دے حالیہ دورے تے پاکستان دے عوام بہوں خوش ہن۔ وزیراعظم ݙوہاں دوست ملکاں دے وچال سیاسی اتے اقتصادی تعلقات کوں ٻیا مضبوط بݨاوݨ دی اہمیت تے زور ݙتا۔ انہاں ایران دی عوام اتے حکومت دے نال پاکستان دی نہ ہِلݨ آلی ہکو جہت دا وی اعادہ کیتا اتے علاقائی امن کیتے پاکستان دے عزم دا اعادہ کیتا اتے گالھ مہاڑ اتے سفارت کاری کوں تناؤ اچ گھٹ اتے استحکام دی طرف واحد ممکن رستہ قرار ݙتا۔ ایران دے صدر پاکستان دے مختلف علاقیاں اچ جاری سیلابی صورتحال دے نتیجے اچ قیمتی جاناں دے نقصان اتے مالی نقصاناں تے ݙکھ دا اظہار کریندیں ہوئیں آکھیا جو اوکھ دی ایں گھڑی اچ ایرانی حکومت اتے عوام پاکستان دے نال ہن۔
