اسلام آباد۔1ستمبر (اے پی پی) سیلاب متاثرین دی مدد کیتے پاک فوج دا جھنگ، چنیوٹ اتے نیڑے دے علاقیاں اچ ریسکیو آپریشن جاری اے، پاک فوج دے جواناں سیلاب اچ پِھسے بزرگ شہریاں، ٻالاں اتے تریمتیں سودھے ݙوجھے لوکاں کوں ریسکیو کر تے محفوظ علاقیاں اچ منتقل کیتا۔ تفصیل دے مطابق جھنگ اتے چنیوٹ اچ سیلابی صورتحال پاروں پاک فوج دا ریسکیو اینڈ ریلیف آپریشن جاری اے، سیلاب متاثرین دی امداد کیتے پاک فوج دے دستے جھنگ، چنیوٹ اتے گردونواح اچ موجود ہن، پاک فوج دے جواناں نے سیلاب اچ پِھسے لوکاں کوں کَشتیاں دے ذریعے ریسکیو کر تے محفوظ علاقیاں اچ منتقل کیتا، ریسکیو کیتے ون٘ڄݨ آلے لوکاں اچ بزرگ شہری، ٻال اتے تریمتیں شامل ہن، سیلاب متاثرین ولوں پاک فوج دے ریسکیو اینڈ ریلیف آپریشن کوں سراہیا ویندا پئے، اوکھ دی ایں گھڑی اچ پاک فوج عوام دے نال کھڑی اے۔
