اسلام آباد۔1ستمبر (اے پی پی) وفاقی وزیر داخلہ محسن نقوی آرمی ایوی ایشن دے ہیلی کاپٹر حادثے تے افسوس دا اظہار کیتے۔ آپݨے تعزیتی بیان اچ وزیر داخلہ ہیلی کاپٹر حادثے اچ شہید تھیوݨ آلے پائلٹس میجر عاطف اتے میجر فیصل سودھے عملے دے 5 لوکاں کوں خراج عقیدت پیش کیتا۔ محسن نقوی شہید میجر عاطف، میجر فیصل، نائب صوبیدار مقبول، حوالدار جہانگیر اتے نائیک عامر دے لواحقین نال دِلی ہمدردی دا اظہار کیتا۔ انہاں آکھیا جو حادثے اچ شہید تھیوݨ آلے جواناں فرض دی ادائیگی دے دوران شہادت دا اُچا درجہ پاتے، اساں شہیداں دے لواحقین دے ݙکھ اچ برابر دے شریک ہیسے۔ وزیر داخلہ محسن نقوی شہیداں دے خانداناں کیتے صبر جمیل دی دعا وی کیتی۔
