اسلام آباد۔1ستمبر (اے پی پی) وزیراعظم محمد شہباز شریف مشرقی افغانستان اچ تباہ کُن زلزلے اچ قیمتی جاناں دے ضیان تے ݙکھ اتے افسوس کریندیں ہوئیں پاکستان دے عوام اتے حکومت ولوں متاثرہ خانداناں نال دِلی ہمدردی اتے تعزیت دا اظہار کیتے۔ سنوار کوں “ایکس” تے آپݨے سنیھے اچ وزیراعظم محمد شہباز شریف آکھیا جو ݙکھ دی ایں گھڑی اچ اساں آپݨے افغان بھراواں اتے بھیݨیں دے نال ہکو جہت دا اظہار کریندیں ہوئیں انہاں کیتے ہر ممکن تعاون کیتے تیار ہیسے۔ واضح رہے جو گزریل رات کابل دے علاوہ اسلام آباد سودھے پاکستان دے مختلف علاقیاں اچ وی زلزلے دے شدید جھٹکے محسوس کیتے ڳئے جئیں اچ اطلاع دے مطابق افغانستان اچ سینکڑاں قیمتی انسانی جاناں دے ضیان دے علاوہ کئی علاقیاں اچ املاک دی وی تباہی تھئی اے۔
