اسلام آباد۔2ستمبر(اے پی پی)چیئرمین سینیٹ سید یوسف رضا گیلانی انتظامیہ کوں ہدایت کیتی اے جو سیلاب متاثرین تئیں کھاوݨ پیوݨ اتے ضرورتاں دیاں چیزاں ویلھے تے پچایاں ونڄن۔ چیئرمین سینیٹ سید یوسف رضا گیلانی شیر شاہ، ملتان اچ سیلاب متاثرین کیمپاں دا دورہ کیتا۔ ایں موقع تے ممبر قومی اسمبلی سید عبدالقادر گیلانی اتے بیرسٹر مدثر حسین شاہ وی انہاں دے نال ہن۔ چیئرمین سینیٹ سیلاب متاثرہ کیمپاں اچ طبی سہولتاں دا جائزہ ڳھدا۔ چیئرمین سینیٹ سیلاب متاثرین مرد، تریمتاں، ٻالاں، بزرگاں نال مل تے انہاں دیاں ضرورتاں پُچھیاں۔ چیئرمین سینیٹ انتظامیہ کوں ہدایت کیتی جو سیلاب متاثرین تئیں کھاوݨ پیوݨ اتے ضرورتاں دیاں چیزاں ویلھے تے پڄائیاں ون٘ڄن۔
