اسلام آباد۔2ستمبر(اے پی پی)نائب وزیراعظم و وزیر خارجہ سینیٹر محمد اسحاق ڈار کوں یورپی یونین دی اعلیٰ نمائندہ/نائب صدر کاجا کالاس فون کیتا اتے سیلاب نال تھیوݨ آلے نقصاناں تے افسوس کیتے اظہار یکجہتی کیتے۔ انہاں ایں اوکھے ویلھے امداد اتے بحالی دیاں کوششاں اچ یورپی یونین دی حمایت دا یقین ݙیوایا۔ یورپی یونین دی اعلیٰ نمائندہ/نائب صدر سیلاب نال تھیوݨ آلے وݙے جانی ذیان تے پرچاوݨی ݙتی اتے یقین ݙیوایا جو یورپی یونین پاکستان دی امداد اتے بحالی کیتے پورا ہتھ ونݙیسی۔ وزیراعظم و وزیر خارجہ اسحاق ڈار یورپی یونین دا شکریہ ادا کریندے آکھیا جو پاکستان انہاں ملکاں اچ شامل اے جیڑھے موسمیاتی تبدیلی دے بحران توں سب توں ودھ متاثر ہن۔ انہاں پاکستان اتے یورپی یونین دے تعلقات اچ ودھدی پیشرفت تے اطمینان کریندے عزم دوہرایا جو آپسی دلچسپی دے سارے شعبیاں خاص کر موسمیاتی اقدامات، لچک پیدا کرݨ اتے پائیدار بحالی اچ تعاون کوں ٻیا تکڑا کیتا ویسی۔”(ج،م/ 20:05)
