راولپنڈی۔2ستمبراے پی پی)سربراہ پاک بحریہ ایڈمرل نوید اشرف نال چیف آف سٹاف بحرین ڈیفنس فورس لیفٹیننٹ جنرل ذیاب بن صقر نیول ہیڈکوارٹرز اچ ملین اتے پاکستان اتے بحرین وچال دفاعی تعلقات دے دائرہ کار کوں ٻیا مضبوط بݨاوݨ دا عزم دوہرائے۔ آئی ایس پی آر توں جاری بیان دے مطابق ملاقات اچ آپسی دلچسپی دے معاملیاں، خطے دی سکیورٹی صورتحال اتے ݙو پاسہ تعاون تے الایا ڳیا۔ نیول چیف ریجنل میری ٹائم سکیورٹی پٹرولز دے ذریعے خطے اچ امن و سلامتی کیتے پاک بحریہ دے اقدامات دا ݙسایا۔ چیف آف سٹاف بحرین ڈیفنس فورس خطے اچ بحری سکیورٹی اتے استحکام دے حوالے نال پاک بحریہ دیاں کوششاں دی تعریف کیتی۔ ملاقات اچ پاکستان اتے بحرین وچال دفاعی تعلقات دے دائرہ کار کوں ٻیا ودھاوݨ دا عزم کیتا ڳیا۔ چیف آف سٹاف بحرین ڈیفنس فورس دے ایں دورے نال ݙوہاں ملکاں خاص کر مسلح فوجاں وچال تعلقات کوں مزید ودھارا مِلسی۔
