اسلام آباد۔2ستمبر (اے پی پی)وفاقی وزیر برائے قومی ورثہ و ثقافت اورنگزیب خان کھچی پاکستان نیشنل کونسل آف دی آرٹس (پی این سی اے) اچ عاصم اختر دیاں ترتیب ݙتیاں اہم آرٹ نمائشاں دا افتتاح کیتے۔ نمائش “اے ریسٹرینڈ گریس” اچ مرحوم استاد بشیرالدین (1922-1997) دے فن پارے شامل ہن جیڑھے انہاں دی نایاب فنی مہارت اتے پاکستان دے بصری فنون اچ ودھ خدمات کوں اڳونہا کریندن۔ ایویں ہی “بلیڈنگ بارڈرز” اچ معروف فنکار امین رحمان دے اڄوکے انسٹالیشن کم پیش کیتے ڳئن جیڑھے سماجی و سیاسی موضوعات کوں جاندار بصری اظہار نال سامݨے گھن آندن۔ تقریب نال خطاب کریندے وفاقی وزیر اورنگزیب خان کھچی پی این سی اے دیاں کوششاں دی تعرفی کریندے آکھیا جو اینڄھیاں نمائشاں نہ صرف قومی ورثے کوں اڳو تے ودھیندن ٻھل بین الاقوامی فنی رجحانات کوں وی عوام دے سامݨے گھن آندن۔ انہاں منتظمین اتے کیوریٹرز دی محنت کوں خراج تحسین پیش کیتا اتے آکھیا جو اے اقدامات معاشرے اچ ثقافتی آگاہی کوں ودھارا ݙیندن۔ وفاقی وزیر گیلریاں دا وی دورہ کیتا جتھاں امین رحمان آپ انہاں کوں آپݨے فن پاریاں دے تصورات اتے انہاں دی اہمیت دا ݙسایا۔ اے نمائشاں عوام کیتے 12 ستمبر 2025ء تئیں پی این سی اے اچ جاری رہسن۔
