اسلام آباد۔3ستمبر(اے پی پی)صدرِ مملکت آصف علی زرداری کوئٹہ اچ شاہوانی سٹیڈیم دے نیڑے دھماکے دی مذمت کریندے واقعے دی تحقیقات دی ہدایت کیتی اے۔ ایوان صدر دے پریس ونگ دے بیان دے مطابق صدر مملکت دھماکے اچ جاں بحق تھیوݨ آلے لوکاں دے گھر آلیاں نال ہمدردی کریندے مکاݨ ݙتے۔ صدر مملکت زخمیاں دی تیکھے صحت یابی کیتے دعا کیتی اتے متعلقہ حکام کوں علاج معالجے دیاں بہترین سہولتاں ݙیوݨ دی ہدایت کیتی۔ انہاں متعلقہ اداریاں توں واقعے دی مکمل تحقیقات اتے ملوث عناصر کوں قانون دے کٹہرے اچ گھن آوݨ دا وی حکم ݙتا۔
