بیجنگ۔3ستمبر(اے پی پی)وفاقی وزیر آئی ٹی و ٹیلی کمیونیکیشن شزا فاطمہ خواجہ بیجنگ پڄ ڳئن۔ او ایں دورے اچ ابھردیاں ٹیکنالوجیز اچ تعاون دے ودھارے کیتے مفاہمت دی یادداشت (ایم او یو) تے دستخط کریسن۔ وزارت آئی ٹی و ٹیلی کام توں جاری کیتے گئے بیان دے مطابق وفاقی وزیر آئی ٹی شزا فاطمہ خواجہ پاکستان دی نمائندگی کیتے بیجنگ پڄ ڳئن۔ ایں دورہ چین اچ شزا فاطمہ وزیراعظم دے ڈیجیٹل پاکستان وژن کوں عالمی سطح تے اڳونہا کریسن۔ شزا فاطمہ 50 توں ودھ پاکستانی آئی ٹی کمپنیاں دے وفد دی سربراہی وی کریسن۔ ابھردیاں ٹیکنالوجیز اچ تعاون دے ودھارے کیتے ایم او یو تے دستخط وی کیتے ویسن۔ 3 توں 5 ستمبر تئیں چینی ٹیکنالوجی کمپنیاں دے نال بی ٹو بی میٹنگز شیڈول ہن۔
