اسلام آباد۔3ستمبر(اے پی پی)نائب وزیراعظم و وزیر خارجہ سینیٹر محمد اسحاق ڈار آکھیے جو حکومت پاکستان افغانستان کیتے 105 ٹن امدادی سامان روانہ کر ݙتے۔ ایکس تے جاری آپݨے بیان اچ نائب وزیراعظم و وزیر خارجہ سینیٹر محمد اسحاق ڈار آکھیا جو افغان وزیر خارجہ امیر خان متقی نال انہاں دے ٹیلیفونک رابطے دے بعد اڄ حکومت پاکستان انسانی ہمدردی دی بنیاد تے افغانستان کیتے 105 ٹن امدادی سامان ٻھڄوائے، ایں امدادی سامان اچ کھاوݨ پیوݨ دیاں شئیں، دوائیاں، خیمے، کمبل اتے ببل میٹ شامل ہن ڄیڑھے افغانستان اچ زلزلے توں متاثرہ افغان عوام دی مدد کیتے ٻھیڄیے ڳن۔ انہاں آکھیا جو اساں متاثرین کیتے دلی تعزیت اتے دعا کریندے ہیں اتے زخمیاں دی تیکھی صحت یابی کیتے دعا گو ہیں، پاکستان ایں اوکھے ویلھے اچ بھرا افغان عوام دے نال بھرپور یکجہتی کریندے۔
