پاک فوج دا ملکی سطح تے ٻݨیے فتح 4 کروز میزائل دا کامیاب  تجربہ

راولپنڈی۔30ستمبر(اے پی پی)پاک فوج فتح 4 گراؤنڈ لانچڈ کروز میزائل دا کامیاب تربیتی تجربہ کیتے۔ آئی ایس پی آر دے مطابق ملکی سطح تے ٻمیے 750 کلومیٹر رینج آلے فتح ۔4 دا کامیاب تجربہ کیتا ڳئے۔ اے میزائل جدید ایویانکس اتے نیویگیشنل آلات نال لیس اے، میزائل دشمن دے میزائل ڈیفنس سسٹم کوں چکر ݙیوݨ دی صلاحیت رکھدے اتے زمینی سطح دے نال اݙݨ دی صلاحیت رکھدے جیندے نال اے میزائل اہداف کوں انتہائی درستگی نال نشانہ ٻݨا سڳدے۔ فتح ۔4 میزائل آرمی راکٹ فورس کمانڈ دا حصہ اے جیڑھا پاکستان آرمی دے میزائل نظام دی رینج اتے صلاحیت ٻئی ودھیسی۔ آئی ایس پی آر دے مطابق چیف آف جنرل سٹاف، پاک افواج دے سینئر افسران اتے سائنسداناں و انجینئرز اے تجربی ݙٹھے۔ صدرِ مملکت، وزیرِاعظم ، چیئرمین جوائنٹ چیفس آف سٹاف کمیٹی اتے سروسز چیفس فتح ۔4 دے کامیاب تربیتی تجربے تے شریک دستیاں، سائنسداناں اتے انجینئرز کوں مبارکباد ݙتی اے۔