وفاقی وزیر داخلہ دی فتح 4 کروز میزائل دے کامیاب تجربے تے سائنسداناں، انجینئراں اتے فوجی قیادت کوں مبارکباد

اسلام آباد۔ 30 ستمبر(اے پی پی)وفاقی وزیر داخلہ محسن نقوی مقامی وسائل نال ٻݨیے فتح 4 کروز میزائل دے کامیاب تجربے تے سائنسداناں، انجینئراں اتے فوجی قیادت کوں مبارکباد ݙتی اے۔ انہاں آکھیے جو فتح 4 کروز میزائل دا کامیاب تجربہ پاکستان دے سائنسداناں، انجینئراں تے فوجی قیادت دا شاندار کارنامہ اے۔ قوم کوں وی فتح 4 کروز میزائل دے کامیاب تجربے تے مبارکباد ݙینداں۔ انہاں آکھیے جو پاک فوج دے سائنسداناں اتے انجینئراں دی محنت اتے مہارت کوں سلام اے، کامیاب تجربہ وطن دی دفاعی طاقت اچ قابل اعتماد قدم اے، فتح 4 دا کامیاب تجربہ اے ݙسیندے جو پاکستان دا دفاع ناقابل تسخیر اے۔