اسلام آباد۔ یکم اکتوبر(اے پی پی) خاتون اول آصفہ بھٹو زرداری چھاتی دے کینسر کوں سنجیدگی نال گھنݨ تے زور ݙیندے آکھیے جو تریمتاں آپݨی صحت کوں پہلی ترجیح ݙیوݨ، ہک ماء، بھیݨ یا دھی کوں بچاوݨ درحقیقت آوݨ آلیاں نسلاں کوں بچاوݨ اے۔ چھاتی دے کینسر توں آگاہی دے مہینے دے آغاز تے ایوان صدر دے پریس ونگ توں جاری تھیوݨ آلے بیان موجب خاتون اول آصفہ بھٹو زرداری …
تریمتاں آپݨی صحت کوں پہلی ترجیح ݙیون، خاتون اول آصفہ بھٹو زرداری
اسلام آباد۔ یکم اکتوبر(اے پی پی) خاتون اول آصفہ بھٹو زرداری چھاتی دے کینسر کوں سنجیدگی نال گھنݨ تے زور ݙیندے آکھیے جو تریمتاں آپݨی صحت کوں پہلی ترجیح ݙیوݨ، ہک ماء، بھیݨ یا دھی کوں بچاوݨ درحقیقت آوݨ آلیاں نسلاں کوں بچاوݨ اے۔ چھاتی دے کینسر توں آگاہی دے مہینے دے آغاز تے ایوان صدر دے پریس ونگ توں جاری تھیوݨ آلے بیان موجب خاتون اول آصفہ بھٹو زرداری آپݨے پیغام وچ آکھیا جو پاکستان وچ ہر نوویں عورت کوں چھاتی دے کینسر دا خطرہ اے، شروع دے مرحلے وچ تشخیص نال صحت ٹھیک تھیوݨ دی شرح نوے فیصد تائیں پُج سڳدی اے۔ انہاں آکھیے جو تریمتاں آپ آپݨا معائنہ کراون، 30 سال دی عمر دے بعد کلینکل چیک اپ تے چالیھ سال دی عمر دے بعد میموگرافی کراون تے کئی وی غیر معمولی علامت دی صورت وچ وقتی ڈاکٹر کول ونڄن۔ خاتون اول آکھیا جو صحت مند طرز زندگی چھاتی دے کینسر دے خطرات کوں گھٹ کر سڳدی اے۔ آصفہ بھٹو زرداری ڈاکٹراں، نرساں، رضاکاراں تے تنظیماں دیاں خدمات دی تعریف کریندے آکھیا جو خاندان تے معاشرہ خواتین دا ساتھ ݙیوݨ تاں جو وقتی علاج ممکن تھی سڳے۔ انہاں آکھیا جو ہک ماء، بھیݨ یا دھی کوں بچاوݨ درحقیقت آوݨ آلیاں نسلاں کوں بچاوݨ اے
