بھارتی میڈیا حقائق تے کائناں کوڑ تےچلدے، میں کوئی غلط کم کائنی کیتا، بی سی سی آئی توں معافی منگی نہ منگساں، محسن نقوی

اسلام آباد۔ یکم اکتوبر (اے پی پی) ایشین کرکٹ کونسل دے صدر، چیئرمین پی سی بی محسن نقوی آکھیا جو بھارتی میڈیا حقائق تے کائناں کوڑ تے چلندے، میں کوئی غلط کم کائنی کیتا، بی سی سی آئی توں معافی منگی نہ منگساں۔ آپݨے ٹویٹ وچ محسن نقوی آکھیا جو صدر اے سی سی دے طور تے اوں ݙینھ ٹرافی ݙیوݨ کیتے تیار ہم تے اڄ وی تیار ہاں، جے او واقعی ایں کوں چاہندن تاں خوش آمدید، آؤ تے اے سی سی دے دفتر توں میں کنوں گھن ونڄو۔ انہاں آکھیا جو بدقسمتی نال بھارت کرکٹ وچ وی سیاست کوں گھلیندا پئے جیڑھا جو کھیݙ دی روح کوں ضیان پڄیندا پئے۔