سپیکر قومی اسمبلی دا خضدار اچ دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔ 1 اکتوبر(اے پی پی)سپیکر قومی اسمبلی سردار ایاز صادق خضدار اچ بھارتی سرپرستی اچ سرگرم دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ بدھ کوں آپݨے ہک بیان اچ انہاں آکھے جو دہشت گردی مکاوݨ کیتے سکیورٹی فورسز دیاں کارروائیاں قابل تعریف ہین، بھارتی سرپرستی اچ تھیوݨ والی دہشت گردی مکاوݨ ضروری اے، بھارتی سرپرستی اچ سرگرم شرپسند عناصر آپݨے مذموم مقاصد اچ کامیاب نئیں تھی سڳدے۔ سپیکر قومی اسمبلی آکھے جو دہشت گردی دے خلاف جنگ کیتے پوری قوم سکیورٹی فورسز دے نال کھڑی اے، دہشت گردی کھنݙاوݨ آلے شرپسند عناصر ٻہوں تیکھے آپݨے انجام کوں پڄ ویسن، دہشت گردی مکاوݨ کیتے پوری قوم ہک مٹھ اے۔