الیکشن کمیشن  ضمنی انتخاب دا شیڈول جاری کرݙتے

اسلام آباد۔2اکتوبر (اے پی پی) الیکشن کمیشن پنجاب اسمبلی دے حلقے پی پی 115، پی پی 116 فیصل آباد تے پی پی 269 مظفر گڑھ دی نشستاں تے ضمنی انتخاب دا شیڈول جاری کر ݙتے جیندے مطابق انہاں حلقے وچ پولنگ 23 نومبر کوں تھیسے۔ الیکشن کمیشن دی طرفوں جاری شیڈول موجب پنجاب اسمبلی دے انہاں ترائی حلقے وچ ضمنی انتخابات کیتے کاغذات نامزدگی 13 کنوں 15 اکتوبر تئیں جمع کرائے ونڄ سڳسن جیندی جانچ پڑتال 20 اکتوبر کوں تھیسے جݙݨ جو کاغذات نامزدگی منظور یا مسترد کیتے ونڄݨ دے خلاف اپیلاں 24 اکتوبر کوں تے ٹربیونل دی طرفوں انہاں کوں 31 اکتوبر تئیں نبیڑ ݙتا ویسی۔ امیدواراں دی نظر ثانی شدہ فہرست یکم نومبر کوں جاری کیتی ویسی۔ کاغذات نامزدگی 3 نومبر کوں واپس گھدے ونڄ سڳسن جݙݨ جو انتخابی نشانات دی الاٹمنٹ 4 نومبر کوں تے پولنگ 23 نومبر کوں تھیسے۔