الیکشن کمیشن سینیٹ نشست کیتے انتخاب شیڈول جاری کرݙتے

اسلام آباد۔2اکتوبر (اے پی پی) الیکشن کمیشن شبلی فراز دی نااہلی کنوں خالی تھیوݨ آلی سینیٹ دی نشست تے انتخاب کیتے شیڈول جاری کر ݙتے، پولنگ 30 اکتوبر کوں تھیسے۔ الیکشن کمیشن دی طرفوں جاری شیڈول موجب خیبر پختونخوا کنوں جنرل نشست تے منتخب سینیٹر شبلی فراز دی نااہلی توں ایں نشست تے انتخاب کیتے کاغذات نامزدگی 8 تے 9 اکتوبر کوں جمع کرائے ونڄ سڳسن جیندے جانچ پڑتال 13 اکتوبر کوں تھیسے، کاغذات نامزدگی منظور یا مسترد کیتے ونڄݨ دے خلاف اپیلاں 15 اکتوبر کوں تے ٹربیونل دی طرفوں انہاں کوں 17 اکتوبر تئیں نبیڑ ݙتا ویسی۔ امیدواراں دی نظر ثانی شدہ فہرست 18 اکتوبر کوں جاری کیتی ویسی۔ کاغذات نامزدگی 20 اکتوبر کوں واپس ڳھدے ونڄ سڳسن جݙݨ جو پولنگ 30 اکتوبر کوں خیبرپختونخوا اسمبلی دی عمارت وچ سویلے 9 وڄے توں تریجھے پہر 4 وڄے تئیں تھیسے۔ الیکشن کمیشن صوبائی الیکشن کمشنر سعید گل کوں ریٹرننگ افسر مقرر کیتے۔