اسلام آباد۔3 اکتوبر (اے پی پی) وفاقی وزیر قومی صحت سید مصطفیٰ کمال آکھے جو ڈینگی کھنڈݨ کوں روکݨ سانڳے دستیاب وسائل ورتیے ویسن ۔ عوامی آگاہی دے نال نال عملی اقدامات کوں وی یقینی بݨایا ویسی۔ اے ڳالھ انہاں ڈینگی دی موجودہ صورت حال تے منعقدہ اجلاس دی صدارت کریندے آکھی انہاں آکھیا جو ڈینگی روکݨ کیتے مربوط حکمت عملی بݨائی ڳئی اے۔ ڈینگی وائرس نال نمٹݨ کیتے مؤثر …
ڈینگی روکݨ کیتے سارے دستیاب وسائل ورتیے ویسن، وفاقی وزیر قومی صحت سید مصطفیٰ کمال
اسلام آباد۔3 اکتوبر (اے پی پی) وفاقی وزیر قومی صحت سید مصطفیٰ کمال آکھے جو ڈینگی کھنڈݨ کوں روکݨ سانڳے دستیاب وسائل ورتیے ویسن ۔ عوامی آگاہی دے نال نال عملی اقدامات کوں وی یقینی بݨایا ویسی۔ اے ڳالھ انہاں ڈینگی دی موجودہ صورت حال تے منعقدہ اجلاس دی صدارت کریندے آکھی انہاں آکھیا جو ڈینگی روکݨ کیتے مربوط حکمت عملی بݨائی ڳئی اے۔ ڈینگی وائرس نال نمٹݨ کیتے مؤثر اقدامات جاری ہن۔ انہاں آکھیا جو ڈینگی مکاوݨ کیتے مربوط حکمت عملی تے عوامی سطح تے وقتی اقدامات ایجھے ضروری ہن۔ انسداد ڈینگی کیتے سارے متعلقہ ادارے رل تے کم کریسن تاں جو شہریاں کوں محفوظ رکھیا ونج سڳے۔ انہاں آکھیے سارے ہسپتالاں وچ بخار دے مریضاں کیتے انڄ کاؤنٹر بݨائے ویسن تاں جو ڈینگی دے مشتبہ مریضاں دی وقتی تشخیص تے علاج ممکن بݨایا ونڃ سڳے۔ ڈینگی نال نمٹݨ کیتے تعینات عملے کوں ترائے ٹیماں بݨایا ویسی۔ انہاں آکھیا جو ٹیماں دیاں ترائے ایم این ایز دے تحت ذمہ واریاں ݙتیاں ویسن تاں جو فیلڈ ورک وچ بہتر کوآرڈینیشن تے مؤثر کارروائی کوں یقینی بݨایا ونڄ سڳے۔ اجلاس وچ رکن قومی اسمبلی راجا خرم شہزاد نواز تے انجم عقیل خان سودھے وفاقی سیکرٹری صحت، ڈی جی ہیلتھ، ڈی ایچ ایچ تے ہسپتالاں دے سربراہان وی شامل تھئے
