اسلام آباد۔3 اکتوبر(اے پی پی) قائم مقام صدر تے بین الپارلیمانی سپیکرز کانفرنس (آئی ایس سی) دے بانی چیئرمین سید یوسف رضا گیلانی ملائیشیا دی پارلیمنٹ دے ایوان زیریں دے سپیکر تان سری داتو ڈاکٹر جوہری عبدل تے سینیٹ دیوان نیگرا دے صدر داتوک آوانگ بیمی آوانگ علی بساہ نال ٹیلی فون تے اانڄ انڄ ڳالھ مہاڑ کیتی ۔ ایوان صدر دے پریس ونگ توں جاری بیان موجب سید یوسف …
قائم مقام صدرسید یوسف رضا گیلانی ملائیشیا دی پارلیمنٹ دے سپیکر تے سینیٹ دے صدر کو بین الپارلیمانی سپیکرز کانفرنس وچ شرکت دی دعوت
اسلام آباد۔3 اکتوبر(اے پی پی) قائم مقام صدر تے بین الپارلیمانی سپیکرز کانفرنس (آئی ایس سی) دے بانی چیئرمین سید یوسف رضا گیلانی ملائیشیا دی پارلیمنٹ دے ایوان زیریں دے سپیکر تان سری داتو ڈاکٹر جوہری عبدل تے سینیٹ دیوان نیگرا دے صدر داتوک آوانگ بیمی آوانگ علی بساہ نال ٹیلی فون تے اانڄ انڄ ڳالھ مہاڑ کیتی ۔ ایوان صدر دے پریس ونگ توں جاری بیان موجب سید یوسف رضا گیلانی ݙوہائیں رہنماواں کوں ایں سال 10 توں 12 نومبر تئیں اسلام آباد وچ سینیٹ آف پاکستان دی میزبانی وچ تھیوݨ آلی بین الپارلیمانی سپیکرز کانفرنس وچ شرکت دی دعوت ݙتی۔ قائم مقام صدر ڳالھ مہاڑ دے دوران علاقائی امن، افہام و تفہیم تے تعاون کوں ودھارا ݙیوݨ وچ پارلیمانی سفارت کاری دی اہمیت دا ذکر کریندے پاکستان دے نال ملائیشیا دی ثابت قدم دوستی تے بین الپارلیمانی تعلقات کوں ودھاوݨ وچ انہاں دے تعمیری کردار دی تعریف کیتی ۔ ملائیشیا دے ݙوہیں رہنماواں دعوت دا خیرمقدم کیتا تے پاکستان تے ملائیشیا دی پارلیماناں وچال تعاون کوں ٻیا ودھاوݨ دی خواہش دا اظہار کیتا
