ووٹ دے بنیادی حق بارے قانونی نکات تے ڳالھ تھیوݨی چاہیدی اے، وفاقی وزیر اعظم نذیر تارڑ

اسلام آباد۔3 اکتوبر(اے پی پی)وفاقی وزیر قانون و انصاف اعظم نذیر تارڑ آکھیے جو ووٹ دے بنیادی حق بارے قانونی نکات تے ڳالھ تھیوݨی چاہیدی اے، قانون و آئینی نکات تے سوچ سمجھ تے الاوݨا اتے ایندا حل کݙھݨا چاہیدے۔ وفاقی وزیر قانون وانصاف آکھیے جو جیڑھے 12 نشستاں دے حلقے کشمیر بارے ہین، او اتھاں ووٹر ہین جیڑھے کشمیر کاز کیتے اتھاں آن آباد تھئین، انہاں حلقیاں دے ووٹرز دا کشمیر نال تعلق ختم نئیں کیتا ونڄ سڳدا، ایں معاملے تے سیاسی اتفاق رائے ہووݨ ضروری اے، جیڑھے لوکاں دے ووٹ دے حق تے اعتراض تھیندا پئے انہاں دے نمائندیاں نال ڳالھ تھیوݨی چاہیدی اے، ووٹ دے معاملے تے کوئی جلد بازی نا کیتی ونڄے، ووٹ دے بنیادی بارے قانونی نکات تے ڳالھ تھیوݨی چاہیدی اے، اساں کشمیر کاز نال جڑیے ہوئے ہیں، اینڄھا کوئی قدم نئیں چاوݨا چاہیدا جیڑھا ایکوں نقصان پچاوے۔