اسلام آباد۔4 اکتوبر(اے پی پی)نائب وزیراعظم تے وزیر خارجہ سینیٹر محمد اسحاق ڈار سعودی عرب دے وزیر خارجہ شہزادہ فیصل بن فرحان السعود نال ٹیلی فون تے ڳالھ مہاڑ کیتی تے علاقائی پیشرفت بالخصوص غزہ دی صورت تے ڳالھ مہاڑ کیتی۔ دفتر خارجہ توں جاری بیان موجب ݙوہیں رہنماواں علاقائی پیشرفت بالخصوص غزہ دی صورت حال تے ڳالھ مہاڑ کیتی ۔ انہاں نیویارک وچ اٹھ عرب اسلامی ملکاں تے امریکا …
نائب وزیراعظم/وزیر خارجہ اسحاق ڈار دی سعودی وزیر خارجہ شہزادہ فیصل بن فرحان نال ٹیلی فونک ڳالھ مہاڑ
اسلام آباد۔4 اکتوبر(اے پی پی)نائب وزیراعظم تے وزیر خارجہ سینیٹر محمد اسحاق ڈار سعودی عرب دے وزیر خارجہ شہزادہ فیصل بن فرحان السعود نال ٹیلی فون تے ڳالھ مہاڑ کیتی تے علاقائی پیشرفت بالخصوص غزہ دی صورت تے ڳالھ مہاڑ کیتی۔ دفتر خارجہ توں جاری بیان موجب ݙوہیں رہنماواں علاقائی پیشرفت بالخصوص غزہ دی صورت حال تے ڳالھ مہاڑ کیتی ۔ انہاں نیویارک وچ اٹھ عرب اسلامی ملکاں تے امریکا وچال مصروفیات تے مشاورت سودھے جاری سفارتی کوششاں دا جائزہ ڳھدا جیندا مقصد وقتی تے پائیدار جنگ بندی دا حصول ، بلا روک ٹوک انسانی امداد یقینی بݨاوݨ تے غزہ وچ دیرتئیں امن کوں یقینی بݨاوݨ اے۔ اسحاق ڈار انہاں کوششاں وچ سعودی وزیر خارجہ دی مسلسل مصروفیت تے تعمیری کردار دی تعریف کیتی ۔ انہاں صدر ڈونلڈ ٹرمپ دی تجویز تے حماس دے ردعمل سودھے اڄوکی پیشرفت تے وی ڳالھ مہاڑ کیتی ۔ ݙوہیں وزراء خارجہ فلسطینی کاز کیتے اپݨے پختہ عزم دا اعادہ کیتا۔ انہاں ݙو ریاستی حل تے مبنی منصفانہ، جامع تے دیرتئیں امن اڳوں ودھاوݨ کیتے عرب تے اسلامی شراکت داراں دے نال عالمی برادری دے نال نیڑے رابطے اچ رہݨ تے اتفاق کیتا۔
