وزیراعظم شہباز شریف دی ماہ نور چیمہ کوں اے لیول امتحانات وچ 24 مضامین وچ امتیازی گریڈ دے نال کامیابی تے مبارخ

لاہور۔5 اکتوبر (اے پی پی) وزیراعظم محمد شہباز شریف ماہ نور چیمہ کوں اے لیول دے امتحانات وچ 24 مضامین وچ انفرادی طور تے امتیازی گریڈ دے نال کامیابی حاصل کرݨ تے شاندار کارکردگی ݙکھاوݨ تے مبارخ ݙیندے آکھیے جو ماہ نور چیمہ ملک تے قوم دا قیمتی اثاثہ تے نوجوان نسل کیتے مشعل راہ ہن۔ وزیراعظم دفتر دے میڈیا ونگ توں جاری بیان موجب وزیراعظم گزریل ہفتے دورہ لندن دے دوران تعلیمی میدان وچ ورلڈ ریکارڈ ہولڈر پاکستانی نژاد طالبہ ماہ نور چیمہ نال ملاقات کیتی، ایں موقع تے وزیراعظم ماہ نور چیمہ کوں اے لیول دے امتحانات وچ 24 مضامین وچ انفرادی طور تے امتیازی گریڈ دے نال کامیابی حاصل کرݨ تے شاندار کارکردگی ݙکھاوݨ تے دلی مبارخ ݙیندے ہوئے آکھیا جو ماہ نور چیمہ ملک تے قوم دا قیمتی اثاثہ تے نوجوان نسل کیتے مشعل راہ ہن۔ انہاں ماہ نور دے والدین کوں وی ایں کامیابی تے مبارخ ݙتی تے ماہ نور کیتے ٻیاں کامیابیاں کیتے نیک خواہشات دا اظہار کیتا۔ وزیراعظم ماہ نور چیمہ کوں تحفے وی پیش کیتے۔ ماہ نور چیمہ وزیراعظم دا شکریہ ادا کیتا تے ایں عزم دا اظہار کیتا جو او تعلیمی میدان وچ ٻیاں کامیابیاں حاصل کریسی۔