اسلام آباد۔6اکتوبر (اے پی پی) وفاقی وزیر داخلہ محسن نقوی نال برطانوی ممبر پارلیمنٹ لارڈ شفق محمد ملاقات کیتی جئیں اچ پاک برطانیہ تعلقات اتے آپسی دلچسپی دے امور تے ڳالھ مہاڑ کیتی ڳئی۔ وزیر داخلہ محسن نقوی ایں موقع تے ڳالھ مہاڑ کریندے ہوئیں آکھیا جو پاکستان برطانیہ دے نال دیرینہ تعلقات کوں انتہائی قدر دی نظر نال ݙیکھدے، برطانیہ اچ موجود پاکستانی کمیونٹی ݙوہیں ملکاں دی ترقی اچ …
وفاقی وزیر داخلہ محسن نقوی نال برطانوی ممبر پارلیمنٹ لارڈ شفق محمد دی ملاقات، پاک برطانیہ تعلقات اتے آپسی دلچسپی دے معاملیاں تے ڳالھ مہاڑ
اسلام آباد۔6اکتوبر (اے پی پی) وفاقی وزیر داخلہ محسن نقوی نال برطانوی ممبر پارلیمنٹ لارڈ شفق محمد ملاقات کیتی جئیں اچ پاک برطانیہ تعلقات اتے آپسی دلچسپی دے امور تے ڳالھ مہاڑ کیتی ڳئی۔ وزیر داخلہ محسن نقوی ایں موقع تے ڳالھ مہاڑ کریندے ہوئیں آکھیا جو پاکستان برطانیہ دے نال دیرینہ تعلقات کوں انتہائی قدر دی نظر نال ݙیکھدے، برطانیہ اچ موجود پاکستانی کمیونٹی ݙوہیں ملکاں دی ترقی اچ اہم کردار ادا کریندی پئی اے، پاکستانی کمیونٹی ݙوہائیں ملکاں دے وچکار رابطے اچ اہم پُل دے طور تے کم کریندی پئی ہے۔ وزیر داخلہ محسن نقوی آکھیا جو دنیا اچ کہیں وی مجرمانہ سرگرمی اچ ملوث پاکستانیاں دا فعل قابل مذمت اے اتے انہاں کوں ول گھنݨ اساݙی ذمے واری اے لیکن او پاکستانی نئی جو آپݨی شہریت چھوڑ ݙتی اے۔ ممبر برطانوی پارلیمنٹ لارڈ شفق محمد ݙوہائیں ملکاں وچال تعلقات کوں مضبوط توں مضبوط تر بݨاوݨ اچ بھرپور کردار ادا کرݨ دی یقین ݙیوائی کرائی۔ وفاقی سیکرٹری داخلہ محمد خرم آغا، ڈی سی اسلام آباد اتے ٻئے حکام وی ایں موقع تے موجود ہن۔
