لندن ۔6اکتوبر (اے پی پی) چیئرمین سینیٹ سید یوسف رضا گیلانی آکھیا جو اوورسیز پاکستانی پاکستان اتے برطانیہ وچال خیرسگالی دے سفیر ہن، جمہوری اداریاں وچال مسلسل رابطہ تعلقات کوں ٻیا مضبوط بݨیندے۔ اے ڳالھیں انہاں سنوار کوں لندن اچ برطانوی رکن پارلیمنٹ محمد یاسین نال ملاقات اچ کیتا، ملاقات اچ پارلیمانی اداریاں وچال وفد دے تبادلے اتے ادارہ جاتی تعاون تے ڳالھ مہاڑ کیتی ڳئی، ملاقات اچ خطے اتے …
اوورسیز پاکستانی پاکستان اتے برطانیہ وچال خیرسگالی دے سفیر ہن، جمہوری اداریاں وچال مسلسل رابطہ تعلقات کوں ٻیا مضبوط بݨیندے، چیئرمین سینیٹ سید یوسف رضا گیلانی دی لندن اچ برطانوی رکن پارلیمنٹ محمد یاسین نال ملاقات
لندن ۔6اکتوبر (اے پی پی) چیئرمین سینیٹ سید یوسف رضا گیلانی آکھیا جو اوورسیز پاکستانی پاکستان اتے برطانیہ وچال خیرسگالی دے سفیر ہن، جمہوری اداریاں وچال مسلسل رابطہ تعلقات کوں ٻیا مضبوط بݨیندے۔ اے ڳالھیں انہاں سنوار کوں لندن اچ برطانوی رکن پارلیمنٹ محمد یاسین نال ملاقات اچ کیتا، ملاقات اچ پارلیمانی اداریاں وچال وفد دے تبادلے اتے ادارہ جاتی تعاون تے ڳالھ مہاڑ کیتی ڳئی، ملاقات اچ خطے اتے عالمی سطح تے آپسی دلچسپی دے معاملیاں تے ڳالھ مہاڑ کیتی ڳئی۔ انہاں ملاقات اچ پاکستان اتے برطانیہ وچال پارلیمانی تعاون دے فروغ تے زور ݙتا، چیئرمین سینیٹ برطانوی پارلیمان اچ پاکستانی نژاد ارکان دی خدمات کوں خراجِ تحسین پیش کیتا اتے آکھیا جو اوورسیز پاکستانی ݙوہیں ملکاں وچال خیرسگالی دے سفیر ہن۔ چیئرمین سینیٹ آکھیا جو ٻاہرلے ملک پاکستانی برادری پاکستان دا مثبت تاثر اُجاگر کریندی پئی اے، جمہوری اداریاں وچال مسلسل رابطہ تعلقات کوں ٻیا مضبوط بݨیندے۔ محمد یاسین پاکستان دی پارلیمانی روایتاں اتے جمہوری اداریاں دی کارکردگی کوں سراہندے ہوئیں آکھیا جو ݙوہیں ملکاں دی پارلیماناں وچال قریبی تعلقات دے فروغ کیتے سرگرم راہسوں۔ انہاں آکھیا جو برطانیہ اچ پاکستانی کمیونٹی ݙوہیں ملکاں دے تعلقات اچ پُل دا کردار ادا کریندی پئی اے، برطانیہ دی پاکستانی تے کشمیری کمیونٹی مقبوضہ جموں تے کشمیر دا عوام دے حقِ خود ارادیت دی حمایت کریندی اے، ملاقات خوشگوار اتے مثبت ماحول اچ ختم تھئی جئیں اچ ݙوہیں ملکاں وچال تعلقات کوں ٻیا ودھاوݨ تے اتفاق کیتا ڳیا۔
