کوالا لمپور۔7اکتوبر (اے پی پی) وزیراعظم محمد شہباز شریف ملائیشیا دا ترائے ݙینھ دا سرکاری دورہ پورا کرݨ دے بعد وطن واپس روانہ تھی ڳئے، ملائیشیا دے وزیراعظم داتو سری انور ابراہیم وزیراعظم پاکستان کوں خود کوالا لمپور دے بنگا رایا بین الاقوامی ہوائی اڈے تے الوداع کرݨ آئے۔ ایں موقع تے ملائیشیا اچ تعینات پاکستان دے ہائی کمشنر سید احسن رضا اتے سفارتی عملہ وی موجود ہا۔ وزیراعظم کوں …
وزیراعظم شہباز شریف ملائیشیا دا ترائے ݙینھ دا سرکاری دورہ پورا کرݨ دے بعد وطن واپس روانہ، ملائیشیا دے وزیراعظم ہوائی اڈے تے خود الوداع کرݨ آئے
کوالا لمپور۔7اکتوبر (اے پی پی) وزیراعظم محمد شہباز شریف ملائیشیا دا ترائے ݙینھ دا سرکاری دورہ پورا کرݨ دے بعد وطن واپس روانہ تھی ڳئے، ملائیشیا دے وزیراعظم داتو سری انور ابراہیم وزیراعظم پاکستان کوں خود کوالا لمپور دے بنگا رایا بین الاقوامی ہوائی اڈے تے الوداع کرݨ آئے۔ ایں موقع تے ملائیشیا اچ تعینات پاکستان دے ہائی کمشنر سید احسن رضا اتے سفارتی عملہ وی موجود ہا۔ وزیراعظم کوں انہاں دی رہائش گاہ توں ایئرپورٹ تئیں غیر معمولی سرکاری پروٹوکول ݙتا ڳیا جݙاں جو ایں توں پہلے وزیراعظم دی ملائیشیا آمد تے وی ملائیشیا دے وزیر اعظم داتو سری انور ابراہیم وزیراعظم پاکستان کوں انہاں دی رہائش گاہ تے خوش آمدید آکھݨ کیتے موجود ہن۔ ملائیشیا دے وزیراعظم الوداع کریندیں ویلھے وزیراعظم محمد شہباز شریف کوں انہاں دے دورہ ملائیشیا دی تصویراں تے مبنی یادگاری البم وی پیش کیتی۔ وزیراعظم دے دورہ ملائیشیا دے دوران غیر معمولی گرمجوشی دا مظاہرہ ݙیکھݨ اچ آیا۔ 3 ݙینھ دے سرکاری دورے اچ وزیراعظم شہباز شریف ملائیشیا دے انتظامی مرکز پتراجایا ڳئے جتھاں وزیراعظم آفس (پردانا پترا) آوݨ تے وزیراعظم دا شاندار استقبال کیتا ڳیا۔ ایں موقع تے انہاں کوں ملائیشیا دی مسلح فوجاں دے دستے ولوں گارڈ آف آنر پیش کیتا ڳیا جئیں دے بعد وزیراعظم پاکستان اتے ملائیشیا دے وزیر اعظم وچال ݙو پاسہ ملاقات وی تھئی۔ ݙوہائیں وزرائے اعظم وفد دی سطح تے ملاقات اچ آپݨے آپݨے وفد دی قیادت کیتی۔ دورے اچ ݙوہائیں ملکاں وچال کئی شعبیاں اچ تعاون کیتے مفاہمت دی یادداشتاں تے دستخط وی کیتے ڳئے۔ ایں دے علاوہ وزیراعظم پاکستان اتے ملائیشیا دے وزیراعظم پاکستان- ملائیشیا بزنس اینڈ انویسٹمنٹ کانفرنس اچ شرکت کیتی۔ وزیراعظم کوں انٹرنیشنل اسلامک یونیورسٹی آف ملائیشیا ولوں لیڈر شپ اتے گورننس اچ پی ایچ ڈی دی اعزازی ݙگری وی ݙتی ڳئی۔ وزیراعظم دا اے دورہ ݙوہائیں ملکاں وچال تیزی نال ودھدے ہوئے سفارتی تے اقتصادی تعلقات دی عکاسی کریندے اتے انہاں تعلقات کوں ٻیا مضبوط کرݨ اچ مددگار ثابت تھیسی۔
