اسلام آباد۔7اکتوبر (اے پی پی) وزیراعظم محمد شہباز شریف ملائیشیا دا ترائے ݙینھ دا سرکاری دورہ پورا کر تے وطن واپس پج ڳئے۔ وزیراعظم آفس دے میڈیا ونگ توں منگل کوں جاری بیان دے مطابق کوالا لمپور دے بنگا رایا بین الاقوامی ہوائی اڈے تے ملائیشیا دے وزیراعظم داتو سری انور ابراہیم وزیراعظم پاکستان کوں الوداع کرݨ کیتے خود موجود ہن۔ وزیراعظم کوں انہاں دی رہائش گاہ توں ایئرپورٹ تئیں …
وزیراعظم محمد شہباز شریف ملائیشیا دا ترائے ݙینھ دا سرکاری دورہ پورا کر تے وطن واپس پج ڳئے
اسلام آباد۔7اکتوبر (اے پی پی) وزیراعظم محمد شہباز شریف ملائیشیا دا ترائے ݙینھ دا سرکاری دورہ پورا کر تے وطن واپس پج ڳئے۔ وزیراعظم آفس دے میڈیا ونگ توں منگل کوں جاری بیان دے مطابق کوالا لمپور دے بنگا رایا بین الاقوامی ہوائی اڈے تے ملائیشیا دے وزیراعظم داتو سری انور ابراہیم وزیراعظم پاکستان کوں الوداع کرݨ کیتے خود موجود ہن۔ وزیراعظم کوں انہاں دی رہائش گاہ توں ایئرپورٹ تئیں غیر معمولی سرکاری پروٹوکول ݙتا ڳیا جݙاں جو وزیراعظم دی ملائیشیا آمد تے وی ملائیشیا دے وزیر اعظم داتو سری انور ابراہیم وزیراعظم پاکستان کوں انہاں دی رہائش گاہ تے خوش آمدید آکھݨ کیتے موجود ہن۔ملائیشیا دے وزیراعظم الوداع کریندے ویلھے وزیراعظم محمد شہباز شریف کوں انہاں دے دورہ ملائیشیا دیاں تصویراں تے مبنی یادگاری البم وی پیش کیتی۔ وزیراعظم دے دورہ ملائیشیا دے دوران غیر معمولی گرمجوشی دا مظاہرہ ݙیکھݨ اچ آیا۔ 3 ݙینھ دے سرکاری دورے دے دوران وزیراعظم شہباز شریف ملائیشیا دے انتظامی مرکز پتراجایا ڳئے جتھاں وزیراعظم آفس (پردانا پترا) آمد تے وزیراعظم دا شاندار استقبال کیتا ڳیا۔ ایں موقع تے انہاں کوں ملائیشیا دی مسلح فوجاں دے دستے دی ولوں گارڈ آف آنر پیش کیتا ڳیا جیں دے بعد وزیراعظم پاکستان اتے ملائیشیا دے وزیر اعظم دے وچکار ݙو طرفہ ملاقات وی تھئی۔ ݙوہائیں وزرائے اعظم وفد دی سطح تے ملاقات اچ آپݨے آپݨے وفد دی قیادت کیتی۔دورے دے دوران ݙوہائیں ملکاں دے وچکار کئی شعبیاں اچ تعاون کیتے مفاہمت دیاں یادداشتاں تے دستخط وی کیتے ڳئے۔ ایں دے علاوہ وزیراعظم پاکستان اتے ملائیشیا دے وزیراعظم پاکستان-ملائیشیا بزنس اینڈ انویسٹمنٹ کانفرنس اچ شرکت کیتی۔ وزیراعظم کوں انٹرنیشنل اسلامک یونیورسٹی آف ملائیشیا دی ولوں لیڈر شپ اتے گورننس اچ پی ایچ ڈی دی اعزازی ݙگری وی ݙتی ڳئی۔ وزیراعظم دا اے دورہ ݙوہائیں ملکاں دے وچکار تیزی نال ودھدے ہوئے سفارتی و اقتصادی تعلقات دی عکاسی کریندا ہے اتے انہاں تعلقات کوں مزید مستحکم کرݨ اچ مددگار ثابت ہوسی۔
